Ilir Kanani prej 25 vitesh jetonte dhe punonte në Gjermani. Një sëmundje e shfaqur pak kohë më parë i ndryshoi rrjedhën e jetës. Ai u kthye në qytetin e tij Berat për t’u kuruar. Pas shumë konsultave dhe diagnostikimit të sëmundjes, ai mësoi se vezët e thëllëzës kishin një efekt kurues tek ai. Trajtimi jo vetëm që e shëroi, por i hapi edhe një mundësi biznesi. Iliri filloi mbarështimin e thëllëzave japoneze. “Kam pasur disa probleme shëndetësore dhe diku kam dëgjuar se vezët e thëllëzës janë kuruese. Ata shëruan të gjitha problemet e mia; rezultati ishte absolutisht i veçantë. Fillova me 100 zogj dhe tani kam rreth 2000 zogj,” thotë Ilir për Euronews Albania.Pasi biznesi i tij ishte në rrugë të mbarë, erdhën kërkesat e para për shitjen e vezëve dhe jo vetëm.“Njerëzit vijnë duke më kërkuar vezë, por kam më shumë kërkesa për vetë thëllëzat. Restorantet duan që ato të priten dhe pastrohen.”Iliri thotë se çdo shpend e ka rritur me shpenzimet e veta dhe shprehet se nuk ka marrë asnjëherë ndihmë nga shteti.
“Deri më tani nuk kam pasur asnjë mbështetje, gjithçka bëhet nga unë dhe po mendoj të zgjerohem nëse më mbështesin me një subvencion apo ndonjë lloj ndihme tjetër. Unë kam 2000 zogj, por dua të kem 20 mijë.”
Për këtë biznes, i cili ndodhet në lagjen Uznovë të Beratit, kujdesen edhe familjarët.
